1886tik

• Deustuko Unibertsitatea gizarte ekimenez sortu zen Jesusen Lagundiaren lehenengo unibertsitatea izan zen, 1886an (duela 125 urte baino gehiago).

• Loiolako Ignazio, Jesusen Lagundiaren sortzailea, Bilbotik ez oso urruti jaio zen. Urtero antolatzen dira eguneko bisitaldiak Loiolako Santutegira.

• Unibertsitatea UNIJESeko kidea da, jesulagunen unibertsitateen espainiar sarekoa, eta AUSJALekin (Hego Amerikako jesulagunen unibertsitateak) eta AJCU (AEBko jesulagunen unibertsitateak) sareekin lotuta dago. Denen artean, jesulagunen 200 unibertsitate baino gehiagoko mundu mailako sarea osatzen dute.

• Deustuko Unibertsitatea estatuko unibertsitate pribaturik ospetsuenetarikoa da, ranking batzuen arabera.

Informazio gehiago

Baliabideak eta zerbitzuak

Liburutegia

• Liburutegi berriak, Ikasteko eta Ikertzeko Baliabideen Zentro gisa eraturik, 9.000 m2 erabilgarri ditu eta irakurtzeko 1.307 toki. 997.153 bolumen ditu, euretatik 13.734 paperezko aldizkako argitalpenak dira. Baliabide elektronikoak (monografiak, aldizkako argitalpenak eta datu baseak) 1.624 dira guztira.

Deusto Campus

• Unibertsitateko bizitza, geletatik harantzago ere badago. Deusto Campusek kirolarekin, fedearekin, kulturarekin eta elkartasunarekin lotuta dauden esperientzia eta jarduera ugari eskaintzen ditu.

Hizkuntzak

• Deustura datozen ikasleek espainierako ikastaro trinkoak eta arruntak izaten dituzte doan: Espainierako Nazioarteko Ikastegia (CIDE).

 Historia

• Psikologia eta Hezkuntza Fakultateak 30 urte baino gehiago daramatza irakasten eta ikertzen.

• Filosofia eta Hezkuntza Zientzien Fakultatearen zimentarri, historia eta esperientzia oinarri dituela ari da lanean oraingo fakultatea. Izan ere, 1976tik eskaini dira Psikologia eta Hezkuntza arloko ikasketak bertan.
 

Fakultateren historiari buruzko informazio gehiago

Fakultatea zenbakitan

• 4 gradu
• 2 gradu bikoitz
• 10 unibertsitate master
• 2 doktoregoko programa
• 5 titulu propio

Fakultateak 700 ikasle berri izaten ditu urtero.

• Duela gutxi ebaluazioko esperientzia pilotu bat egin izan du Kalitatea bermatzeko barne-sistemak Fakultateari aplikatuta, Kalitateko Euskal Agentziak (Unibasquek) egiaztatzeko.

Bilbao

• Bilbao Espainiaren iparraldean kokatuta dagoen eta milioi bat biztanle baino gehiago duen metropoli-eremu baten gunea da eta Europara beti zabalik egon den hiria da.

• Bilbok garrantzizko sariak ere jaso ditu azken aldian, Lee Kuan Yew World City Prize besteak beste (hirien Nobel saritzat hartzen dena). Bertako aurreko alkate Iñaki Azkuna ere 2012ko Munduko Alkaterik Onena izendatu zuten.

• Bilbao nabarmen aldatu den hiria da, eta aldaketa horren eraikin enblematikoena, Guggenheim Bilbao Museoa alegia, aldaketa horren sinbolo izan da. Deustuko Unibertsitatearen egoitza nagusia itsasadarraren beste aldean dago kokatuta, Guggenheim Museoaren aurrez aurre.

Bilboko campusari buruzko argibide gehiago
 

Donostia

• Donostia 2016ko Europako Kultur Hiriburu izateko aukeratu dute.

• Badiaren edertasunak (Kantabriar itsasoko Perla izenez ezaguna), mendia eta itsasoa pauso batera izateak, bizi kalitateak eta bertako gastronomia ospetsuak azken bi mendeotako lehen mailako helmuga turistiko bihurtu dute.

• Campusa Mundaiz pasealekuan dago, Urumea ibaiaren ertzean eta Kristina-Enea parkearen ondoan. 32.000 m2 dira, askoren ustez “munduko hiririk ederrenaren” erdi-erdian txertatuta daudenak.

Donostiako campusari buruzko argibide gehiago