Gradu bikoitza: eskuratu bi titulazio ofizialak

Gizarte Hezkuntzak eta Gizarte Lanak era desberdinetan hartzen dute parte gizartean:

- Gizarte hezitzaileak pertsonen edo taldeen hezkuntza-prozesua azpimarratzen du, gizarteratzea eta garapen pertsonala eta elkartekoa sustatzeko.

- Gizarte langileak pertsonek inguruarekin interakzioan diharduten puntuak hartzen ditu bere zereginaren ardatz, laguntzeko harremana sortuz eta ondoez psikosozialeko egoeren aldaketa eta hobekuntza sustatuz, bai norbanakoaren mailan eta bai familia eta elkarte mailan ere.

Lanbidean, gizarte langilea eta gizarte hezitzailea batera aritu daitezke, diziplina arteko taldeetan. Hortaz, bietan batera prestatzeak gaitasun egokiak ematen ditu gizartean eta hezkuntzan esku hartzeko eta bitartekotza egiteko talde eta gizarteko errealitate guztietan.

• Gradu bikoitz berri honekin, hezitzaile edo gizarte langileen taldeetan txertatzeko gai den profesionala izango zara, eta profilen arteko bereizketarik ez dagoen espazioetan etorkizun hobea izango duzu. Hezkuntzan eta gizartean esku hartzeko profesional izango zara, pertsonei eta taldeei lagun egiteko, bai ikaskuntzan eta bai gizarteratzean; horrela, gizarte bidezkoago eta berdintasunezkoagoa sortzen lagunduko duzu.